اللهم أخزيك يابوسى.....

الله اكبر ..... الله أكبر .............بووووووم
وأنطلق مدفع الأفطار
أول يوم فى رمضان كل واحد مقسم دوره مظبوط
عن الفطارو لاوازمه.........فماما طبعا مظبطة المواضيع بدكر بط سمين وحلة محشى متينة وصنية رقاق عظيمة..
وحالفه ماانا قايمه إلا لما انتصر أنتصار الفاتحين على الترابيرزة باللى فيها.........
أما أنا مظبطه المشاريب
تمر هندى عرقسوس عناب سوبيا كله مظبط
ومانستيش الفيمتو والكولا والتانج زى ما بتقول الأعلانات..........
أما العيال فمظبطين الدش ومجددين اشتراك الوصلة ومحضرين جدول أذعة المسلسلات على القنوات المختلفة....ياسلام الواد سمسم ده مظبط جدول مايخرش المية.........
بعد ماشربت شوب تمر هندى حبست وراه بشوب عناب قعدت على الكنبة
وأنجعست.......وتأهبت وتأهب جميع أفراد الأسرة لمتابعة يقظة للمسلسلات ..... ولاد الأيه 30 مسلسل ح نلاحق عليهم ازاى..................ده غير المسلسلات السورى
بس ولايهمكم ياولاد نحن لها.................
ياسميحة .............الشاااااااااااااااااى
لا أستنى ............الخشاف الأول.....
طبطبت على كرشى أطمنت أن لسة فيه مكان للخشاف..........آتينا به هع هع هع
جاءت سميحة بالشاى وطبعاً...........الكنافة ......

شوية وحسيت بتقل..............
بصوا ياولاد .......فيه فاصل بين مسلسل يسرا ومسلسل نور الشريف أروخ أخطف فيهم المغرب والعشا ورا بعض ..........وح أمدد حبة على السرير........لما يجى المسلسل نادونى..........
0
0

0
0
0
0

0
آيه الحر ده...................هو انا حرانه ولا الدنيا حر....
أشغل التكييف
نمت على السرير........هااااااووووووووو

آيه ده التكييف عطل ولا أيه......ده باين النور مقطوع...........الدنيا ضلمة ليه
آيه الأصوات دى...........ياولاااااااااااد وطو التلفزيون
هوووووووووف آيه الحر ده.........

يارزه..............يارزه
مين بينادى........هو المسلسل جه..؟؟؟
يارزه ياختي.....تعال هنا بس......
مين أنت ..........ينهرسود...........حرامىىىىىىىىىىىىىىى
يابنتي ماتخافيش انا صاحبك
صاحبى مين........وأيه دخلك هنا..........
صاحبك بوسى.............بوووووووسى
أنا أصاحب حد أسمه بوسىىىىىىىىىىى.........أجرى ياض من هنا..........أحنا فى رمضان ....حرام كدة
عقلك مايروحش لبعيد...........أحنا صحاب من زمان...........بس أول مرة نتكلم مع بعض....!!!!
أزاى كدة...........ولاا أنا مش ناقصاك....سيبنى أنام شوية خلينى أحلق المسلسل..
يابنتي ولا يهمك المسلسل بيتعاد الصبح أبقى زوغ من الكليه واتفرجي............
طيب عايز أيه ياأخ بوسى..........إلا ده أسمك صح ولا الدلع.......؟؟؟؟
لا الدلع طبعاً........أنتي أصلك مش واخده بالك ..........أنا بوسى.......اللى بتدلعوه وتقلوله شوشو
بوسى ...........شوشو............أنا مش فاهمه حاجة....!!!!!!!
0
0
0
0
0
0

أسمعي يا رزه............ماتستهبلش أنتي عارفنى أكتر من نفسك
أحنا صحاب أوى .......... فاهمنى......... صحاااااااااااااااااااب
أه أه ............فاهمك أعوذ بالله من الشيـ .................... طاااااااااااااااااخ
كف طرقع على وش رزه
بقى كدة يا رزه..........دى اخرتها................عايزه تحرقينى
لا والله بس ده بحكم العادة...............
عادة أيه يا ام عادة..............دلوقتى أفتكرتي ربنا وبتستعيذه منى...
لا مش قصدى والله...........
طيب ماتتكررش لخرب بيتك
طيب سؤال لو سمحت يأخ بوسى.......ولا اقولك شوشو
زى ماتحب يا قشره..........مش بيقولولك كدة فى الشغل ...........أتفضلي أسألي
وش رزه جاب ألوان..........فده الأسم الكودى اللى الموظفين بيتريأوا بيه عليها
أممممممم ...........هو مش ربنا سلسل الشياطين فى رمضان ..........أمال انت مش متسلسل ليه؟؟؟؟؟؟
هع هع هع ..........ده انت عبيطه عبط.........يابتنى ربنا بيسلسل اللى زيى عن المؤمن الطائع لربه ...........بيبعدنى عنه فى الأيام دى علشان ماأفتنهوش.........لكن العالم اللى زيى حالاتك......مش محتاجين أتسلسل ولا أبقى حر...........
طيب انت عايز أيه دلوقتى ياعم بوسى............
انا جاى قاصدك فى خدمة.
.............خدمة...!!!!!!!!!!!!!
أه خدمة.............ولا بلاش الصحوبية تقوم بدورها............ولا ح تتبرى منى زى ما ح اتبرى منك يوم القيامة..........
طيب ياعم بوسى أطلب وانا تحت أمرك...............
بص يا رزه........أنا زمااااااااااااااااان وظفونى على غوايتك.............فى الأول أشتغلت تحت أيد بوسى كبير على دماغـــــــ........
أستنى أستنى........وظفوك أيه وأشتغلت أيه.............فهمنى الحكاية
اللهم ماطولك ياروح أما أنت صحيح بنى أدم ..........حاضر .........أفهمك.........أحنا كل واحد فينا بيتوظف بمرتب على غواية واحد
من بنى أدم وبنشتغــــــ............
كمان مرتب.......!!!!!!!!!!
حتسمعي ولا أخلى ليلتك هباب......
هباب اكتر من كدة.............لا أسمع أسمع......
وفعلاً كان البوسى اللى أنا تحت أيده معلم بصراحة ظبطك وخلاك من حبايبنا.......وانا أشتغلت وراه ومرتبى بقى يزيد .........والأشيا بقت معدن
مرتبك...!!!! بس فهمنى حكاية مرتبك دى........
هووووووووووووووف الله مااغزيك يابنى أدم..........حاضر يابايخه ح أفهمك....بقى ياعبدى انا كل مابتعمل سيئة أنا باخد جنيه نارى وكل مابتعمل كبيرة أنا باخد جنيه جهنمى والجنيه الجهنمى بميت جنيه نارى فهمت يا رزه...........
فهمت يابوسى.........كمل
بس ياعبدى.......أنا أشتغلت عليك حلو فى الأول ومرتبى بقى يزيد وبعدين اتجوزت من بوسيهاية حلوة ........مزة زى عنكم كدة........
كمان اتجوزت...........دى بقت دنيا تانية خالص
ح أفهمك وأمرى لله ................أنتم مش أخدتم تكليف من ربنا انكم تعمروا الأرض وتعبدوه............؟؟؟؟؟؟؟؟
أه ..............
وطريقتكم فى أعمار الأرض انكم تتجوزوا وتشتغلوا وتاخدوا فلوس وتبنوا وتكتروا..........؟؟؟؟؟؟؟؟
أه ...................
أهو أحنا برضه كدة............ربنا أدانا تكليف اننا نخرب بيكم الأرض ونمنعكم من عبادته ونفس أدواتكم فى الأعمار هى نفس ادواتنا فى الخراب...........فهمت يابنى أدم................
أه فهمت يابوسى..........

0
0
0
0
0
طيب كمل بقى.........
حاضر يا عبدي ... إسمـ....
جرى إيه .... إيه حكاية عبدي دي..... ما تحترم نفسك
إيه بس ... مش أنتم بتقولوا شوف يا سيدي .... حاضر يا سيدي ......من باب التفخيم للى قصادك إحنا بقى من باب التفخيم برضوا بنقول يا عبدي..............
طيب يا بوسى كمل...
من أول ما أشتغلت عليكي وأنتي فل وماشيه معايا آخر حلاوة ... ولما إتجوزت الب شيطونة...و أنا بصراحة ريحت ... وبقيت أزوغ من الشغل وبقيت لازقلها...
عندكم كمان تزويغ....؟؟؟
أمال.... بس الغريبة بقى أن مرتبي بقي يزيد وكل شهر بيزيد عن التاني ... بالرغم من أني مش بشوف شغلي معاكي مضبوط.....
إزاي ده...
زي ما بقولك .... والأغرب أني جيت في شهر شوفت شغلي معاكي مرتبي قل....كماااان....
أه صدقيني... أنا بقى خدتها حلوانة في سلوانة وقضيتها لعب وتنطيط وسبتك تزودي الإيراد
يا سلام أنت عاوز تفهمني أن الذنوب والمعاصي إللي أنا بعملها أنت مش السبب فيها....
ذنوب !!! .... معاصي !! ..... قولي كبائر .....قول مصايب .... ده أنتي لولا شوية تمثيل على الناس كنت كفرت....
كفرت !!! ليه؟ ..... أستغفر ربي العظيم...
بتستغفري !!؟؟.... يا رزه أنتي تعملي الحركات دي على كل الناس .... حتى ولادك لكن على بوسي لأ ... بوسى عجنك وخبزك يا رزه... بوسى بيجري فيك مجرى الدم
طيب عايز إيه دلوقتي ... أقدر أقدم لك إيه؟؟؟؟
ح قولك حاضر ... بقى يا عبدي ... بسببك أنا كنت الأول في المصلحة وكل شهر باخد حافز التميز وكل سنة جهنمية باخد كأس الإغواء ... والأشية معدن وكله تمام التمام ... ولا يوم ما أخدت الفيلا من المقاول رشوة ... أنا أخدت زيها تمام....
رشوة مين ... دي هدية
أه ما أنا إللي سميتهالك كدة....
ولا يوم ما سمسرت على المصلحة في مليون جنيه سرقة وإختلاس ... أنا أخدت قدهم بس بالجنيه النارى...
سرقة وإختلاس إيه .... دول عمولة..
يا رزه دي أسامي أن ابقولهالك علشان تخزي العين .... فمش إللي حانعمله يطلع علينا
أيوة شفت أنت السبب .... أهو أنا كويسه بس أنت اللى بتضحك عليا....يا عيني عليك يا رزه... لولاش الشيطان أنا كنت من أولياء الله الصالحين
ما أحنا أتفقنا يا رزه... الكلام ده تضحك بيه على حد غيري ... طيب أقولك ..........قول......
لما رحتي إتجوزتي الواد السكرتير عرفي .... فاكره....
أمم .... أه فاكره..
أنا كنت ساعتها باتجوز أنا كمان ... و.... أنا كنت في شهر العسل مش فاضيلك...أمم....
يا رزه أنتي بقيتي زي إللي بالزمبلك .... ماشي أتوماتيك....
أنا لغاية دلوقتي مش عارفه إيه الخدمة إللي أقدر أقدمهالك....
الأيام دي شغلك زايد .... بس الواد شيطو فاقني بقاله كام شهر .... بصراحة أنتي مالكشي ذنب...
أمال....
الواد شيطو أصله شغال على راجل شديد وشغال حلو قوي...
هو شغال على مين؟؟؟
شغال على الحاج عبد الله جارك
نعم م م م م م .... الحاج عبد الله !!!
أه الحاج عبد الله
والحاج عبد الله بيعديني سيئات وكبائر!!؟؟
يوووووه ده الشهر ده الواد شيطو خد ضعف مرتبي
بقولك إيه يا بوسى ... أنت شيطان كداب..
لأ عندك يا رزه... الكدب ده لكم أنت يا بني آدم ... إحنا برضو بنكدب علشان نضحك عليكم .... لكن ما بنكدبش ف حكايتنا....
ماهو ماتقوليش أن الراجل التقي ... الصالح إللي وشه مقسوم بين الذقن وذبيبة الصلاة بيعمل ذنوب أكتر مني...
و أنا حاكدب عليكي ليه ... ولا حاتبلى على الراجل
يا نهار مدحوس

0
0
0
0
0

ولا مدحوس ولا حاجه .... أصل فيه منكم كتير يا رزه فاهمين عبادة ربنا غلط ... ودول أجدع زباين عندنا ... فاكرين أنهم مجرد ما يصلوا ... ويصوموا ... و يحجوا ... و يربوا ذقونهم ... ويلبسوا جلاليب قصيرة .... كده يبقوا حايخشوا الجنة ... وده إللي إحنا بنشتغل عليه .... بينسوا أن كل ده ولا حاجة لو ما عملوش بيه ... أصل الدين عمل ومعاملة يا رزه مش شعائر ومظاهر....

يا سلام يا بوسى ... إشتغلت واعظ أهو...

لأ تفي من بقك .... أنا أوعظ!!!! بس أهو الكلام خدنا....

طيب عايز إيه دلوقت ... برضه محددتش نوع الخدمة

شوفي بقى ... أنا داخل رهان الشهر ده في إني أتفوق على شيطون .... ولازم تعمل لك عملة سودة تزود بيها المعدل ... وخصوصاً أن الحاج عبد الله رايح عمرة الشهر ده ومش حايعرف يعمل حاجة علشان حايتلخم فيها

عملة سودة ...!!!

أه وماله ... جديدة عليكي ... ولا جديدة عليكي

لا ياعم يفتح الله .... ده أحنا في شهر كريم ... والأيام مفترجة

وأنتي بيهمك ... ولا أصلاً بتحترمي الشهر ولا تعرفيه غير من المسلسلات....

لا يا عم بوسى ... الناس تاكل وشي في رمضان

يا رزه سيبك من الناس ... أنا حاضبطلك عملة تكسبي من وراها قد إللي كسبيته طول حياتك...

بجد....!!!

أه بجد .... بس أنتي فتحي مخك معايا...

هه.... حافتح .... وبعدها اتوب وأطلع أحج أوبني جامع وأعوض فيه إللي فاتني

إبقى قابليني...

إزاي يعني!!

بصي يا رزه ... مش بعادة إني أصارح حد بنهايته ... لكن أنتي مش فارقه معاكي ... أنتي خلاص ... بقيتي أستاذه لينا ... إحنا بنتعلم منك ... أنتي قدوة في دنيتنا .... أنتي مثل أعلى لكل الشياطين الصغيرين ..... يا رزه

نعم......

أنتي أخرتك جهنم وبئس المصير مهما عملت .... فاهماني .... جهنم وبئس المصير

إيه ....... جهنم؟؟؟؟

أه يا رزه جهنم .... مالكيش حل....

إلحقي بقى خدي دنيتك ... بدل ما تخسر دنيا و آخرة

0
0
0
0
0

يعني أنا داخله جهنم داخلاها!!!

إيه جديدة عليكي دي....؟

لأ بس أنا بقول حاجه في آخر أيامي أتوب وأعرف ربنا وربنا يحسن ختامي.....

طيب وماله خديلك يومين ... .هه يمكن

بوسى..... أنت لخبتني .... أنا داخله جهنم ولا حاتوب على آخر أيامي

زي ما أنتي عايز يا رزه.... زي ما أنتي عايزه

أنا عايزه أخش الجنة....

وماله يا رزه... كلنا عايزين نخش الجنة حتى أبونا الكبير كان عايز....

بوسى........

نعم يا حبيبت بوسى..

أنا ندمانه...

لاااااااااا...

أنا عايزه أتوب..

يخرب عقلك .... أوعي........أنا اترفد كدة

......................

رزه.............. رزه..........

المسلسل
إيه ده ..... هو أنا كنت باحلم ... يا سميحة ... أنا جعااااااااااااااانه

تمت

شكرا نانسى بس ياريت تغيرى الخط

انا غيرته يامودى انت تأمر بس

شكرااااااااااااااااااااااا

شكرا نانسى

شكرررررا نانسى

شكرا نانسى

عضو جديد المساهمات : 1 تاريخ التسجيل : 10/11/2007

الأخت نانسى
ممكن لو سمحت سؤال
سؤال بكل أدب وأحترام وياريت تكونى على قد المسئولية وتجاوبى عليه
أنتى اللى كاتبة الموضوع ده
ياترى هو من قريحة أفكارك
ياترى بذلتى مجهود فيه أكتر من الكوبى والبيست وتعديل أسم بطل القصة
الأخت الفاضلة الموضوع ده مش بتاع حضرتك
الموضوع ده بتاعى وأنا كاتبه فى منتدى قهوة كتكوت
واظن انتى أكتر واحدة عارفة الكلام ده
والعجيب أن حضرتك فى موقع الأشراف فى المنتدى
يعنى فى موقع المسئولية
ومنزلة موضوع تدعى فيه للحفاظ على صورة المنتدى
ياترى منتداكى ح يبقى جميل لما تنقلى موضوع نقل مسطرة من شخص تانى وتنسبيه لنفسك
وده لينك الموضوع هناك
http://www.haridy.com/ib/showthread.php?t=83884
ياريت لو تنسبى الحق لأصحابه
وشكراً