نكت حلوة

موضوع: نكت حلوة الخميس أكتوبر 25, 2007 9:00 am

بسم الله الرحمن الرحيم
النهارده بقى النكت مختلفه النكت معظمها عن المساطيل اقروها وخلو بالكم من نفسكم كويس علشان لو حد اتأثر بالمساطيل دول انا مش مسئول

مرة واحد مسطول حب يتنكر راح حلق شنبه ودقنه ودخل على اهله قالهم تصورو معرفتكوش
ظابط مسك واحد مسطول بالليل قالو انك بتشرب حشيش؟قاله ايوة يا باشا طب وبتاجر فيه؟قاله ايوة يا باشا تانى يوم اتعرض على النيابه ساله وكيل النيابه انت بتشرب حشيش؟قاله لا يابيه طب بتاجر فيه؟قاله لا يابيه قاله طب قولت كده للظابط ليه؟قاله كنت مسطول يابيه
واحد كل يوم يروح بيته مسطول فى مرة قام من النوم الصبح قال لمراته ياوليه انتى كل يوم تشغلى التكيف وتسيبى النور مفتوح قالتله اتنيل انت اللى بتدخل التلاجه
واحد مسطول راح صيدليه وطلب من الصيدلى يديه جبنه فحاول الصيدلى انه يقنعه ان هنا مش بيتباع جبنه وهو بيقنعه دخل مسطول تانى راح الصيدلى قاله فهم صاحبك ان هنا مش بيتباع جبنه راح رد عليه وقاله سيبك منه دا غبى ادينى بنص جنيه لانشون بقى
واحد غبى كان بيدق مسمار فى الحيطه فوقع منه راح قاله تعالى مجاش تعالى مجاش راح رامى المسامير كلها عليه وقالهم هاتووووووووووووووه
بيسألو محشش ايه هى امنية حياتك قالهم ان رمضان يكون زى كاس العالم يجى كل اربع سنين وكل مرة فى بلد
واحد غبى محفظته ضاعت راح القسم عمل بلاغ والظابط قاله متخفش هنجيبهالك من تحت الارض وهو الراجل خارج شاف ناس بيحفرو لخط المترو قالهم الهمه يارجاله سوده وبسوسته
اتنين مساطيل قاعدين على القهوه واحد بيقول للتانى فيك من يكتم السر التانى قاله فى بير راح قاله بصراحه انا محتاج عشرة جنيه قام المسطول التانى لافف وشه وقاله ولا كانى سمعت حاجه
محشش بعت برقيه تهنئه كتب فيها بمناسبة عيد الام المبارك اهنئكم برمضان جعله الله عليكم زواجا سعيدا وكريسماس خير وكل عام وانتم بخير بمناسبة عيد الربيع مع تحيات جمعية مرضى الزهايمر
اتنين محششين بيتفرجو على ماتش والمذيع بيقول دربكه فى الدفاع.......دربكه فى خط الوسط.......دربكه فى الهجوم اوبااا جون راح واحد منهم قال الظاهر ان دربكه ده لعيب ميه ميه
محشش بيقول لصاحبه فزورة........... قطار يمشى 60كيلو فى الساعه فكم عصفور على الشجرة اذاكان البيبسى ب75 قرش؟
اتنين مساطيل قاعدين ومعاهم مرايه واحد منهم مسك المرايه وبص فيها وقال الشكل ده مش غريب عليا راح التانى واخدها منه وبص فيها وقال ايه ده ياعم انت مسطول ده انا
نظرية مسطول.........العلم نور والنور كهربا والكهربا خطر يبقى اتعلم ليه؟
اتنين مساطيل راكبين الاسانسير واحد بيقول للتانى هو الاسانسير بطئ كده ليه راح التانى قاله يمكن طالع على السلم
اتنين مساطيل حبو يزورو فلوس راحو عاملين ورقه ب18 جنيه وراحو لصاحبهم قالولو عندك فكة 18 جنيه قالهم اه تاخدوها تسعتين
محشش يبعت برقيه تهنئه للعيد كتب فيها..... بمناسبة عيد تحرير سيناء اتمنى لكم رحله ممتعه جعلها الله ولاده يسيره وانتصار لفريقنا القومى وشفاكم الله وعفاكم مع خالص تمنياتى بالنجاح والتفوق للسيد الوالد فى الامتحانات ولا اراكم الله مكروها فى الدنيا فى عزيز لديكم

موضوع: رد: نكت حلوة الأحد أكتوبر 28, 2007 9:58 am

شكرااااااااااااااا ميدو على النكت الجمده دى

موضوع: رد: نكت حلوة الثلاثاء أكتوبر 30, 2007 5:24 am

ههههههههههههههه

لا بجد والله حلوين موووووت

موضوع: رد: نكت حلوة الثلاثاء نوفمبر 06, 2007 7:32 am

شكرااا ميدو