فلسفة حمااااااااار

شوفت الموضوع ده وعجبني جدا وحبيت ان كل المنتدى يقولي رايه فيه
فلسفة حمار
عجبي عليك يا ابن ادم يا كبير الدار
قومت الدنيا وقعدتها لما قالوا حمار
هو اسمي شتيمة ولا جنسي ده عار
خلقني ربي وخلقك ولا حدش له خيار
وانا مهما زاد الحمل فوقي صابر على المشوار
لا في يوم اقول اشمعنى اخوية ولا اخد منه تار
ولا يوم ابص لرزق غيري واطق منه واغار
ولا ارفع في يوم عيني على جارتي واصون الجار
ولا مهر ادفع لحمارتي ولا شبكة وسوار
ولا شقة اجمع في تمنها ولا اجهز دار
ولا حرمي حامل وتتوحم عايزة الكافيار
ولا بنت تخرج عن طوعي وتجيب العار
ولا ابن يدمن ويهلوس ويقع وينهار
عايش في حالي ومتهني وليا افكار
باكل وبشرب وبنهق و مافيش اسرار
وعندي ابن ادم يخدمني ليل نهار
ان جعت يشتري برسيمي باغلى الاسعار
وفي مرضي يعالجني ويدعي الستار
خادم امين من غير راتب ولا حتى ايجار
ودلوقتي بقا مين فينا اللي حمااااااااااااااااااااار؟؟؟؟

هههههههههههههههههههههه